Дарба да се забележат сличностите

Разбиена илузија
        „Нема два потполно исти збора
        светот е полн разлики“
но,

ние ги чувствуваме сличностите
немилосрдно, блиц
видение, провидение
ефект на разбиени огледала

обземаат потсвесно
глаголат подземно
генетски подмолно
(кога-тогаш!)

невозможно е
да се преземе нешто однапред
да се спречи умот

чекаме вешто
чекаме непојмливо трајно
тоа е уметност на Постот
ars combinatoria!
приближување до себеси!
враќање дома!

© Катица Ќулавкова и Блесок, 2001.
Сите права се задржани.